هاد الحكاية صرات قدام عينيا هذا الصباح وحبيت نعاودهالكم
واذا امكن كل واحد يعطي رايو
جيت فايتة على احدى الثاناويات لي راهي في اضراب اليوم
الطلبة عاودو خرجو من الليسي لانو ماكانش قراية
وكاين بعض الفتيات لي ما هداهمش ربي يبروفيتو مثل هذه الفرص للزوغان والانفلات
زمان حتى نشوف بنت حاملة الساك تاعها واقفة مع واحد خارج المؤسسة وماشيين في وجهة غير وجهة المنزل تاعها "كما فهمت"
وفجأة توقفت عندهم سيارة ونزل منها رجل يظهر عليه الوقار
رفد يدو وعطى للبت كف ربي لي عالم بالالم نتاعو
وشدها من ذراعها وركبها في الطموبيل وهو يقول
شكون هذا لي واقفة معاه ووين كنت رايحة
وفي داخل السيارة يضرب ويعاود
وكان هذا السيد والد البنت ,رسلها باش تقرا وجاباتو صدفة باش يلقاها مواعدة واحد
قعدت نفكر بيني وبين روحي ونتساءل
هل البنت لازمها حراسة ديما ؟
علاه ما تكونش حرة وقد الثقة لي وضعوها فيها والديها ؟
ما لازمش ديما نرمو المسؤلية على الوالدين
هما يوريولنا طريق الحق ويزرعو فينا مبادئ وما يقدروش يقعدوا يعسوا فينا
وهذاك الشاب لي تواعد معاها في يوم الاضراب باش يتلاقاها على اساس انها تفوت في الامتحان
هذا شاب تافه وغيرمسؤول وراه يلعب بيها بالتخبية على اهلها
واش ربحتي يابنت كي بهدلتي بباباك ؟
وخليتيه يفقد اعصابو في الشارع
ارحمي شيبتو وقدري وقارو ؟
اليكم الخط
والسلام عليكم
الأربعاء مايو 04, 2016 7:44 am من طرف 
