اجمل قصائد الهاشمي قروابي

فريق général de corps d’armée

من أجمل قصائد الهاشمي قروابي رحمه
الله سبحان خالق لكوان، أردت أن اتقاسمها مع أعضاء المنتدى الأعزاء، لكني
لم أستطع رفعها على المنتدى، لكني سأحاول لاحقا

سبحان خالق لكوان خلق الإنسان مساوي

عطالو صحة لبدان وجعلو ضعيف وقاوي

فضلو على الملَك والجان بالعقل الناير ضاوي

سكنو فسيح الجنان جنة فراشها خضراوي

شكر آدم الرحمان لطاعة المولى ناوي

**************

دعا مولانا لملاك أتاو في الحين وسمعو

قال اسجدو لذاك آدم أنا صناعو

قالولو سبحانك سجدو لآدم وخضعوا

بقى غير الشيطان واقف ما بغاش يسجد

نطق المولى غضبان مالك ما بغيت تنفد

قال أنا يا منان خير منو ماني ساجد

هذا فعلو مشيان يكذب يقتل ويفسد

**************

هو خلقتو من طين وأنا من نار مصور

ما نيش من الساجدين ولو نمشي للمحشر

قال اذهب يا لعين في جهنم تتحشر

بقا آدم في نخوة عيش وحدو في جنان

أوقات سعيدة حلوة في وسط جنة رضوان

خلقلو ربي حوا أم جميع النسوان

شجار وظل وخلوة لا برودة لا حمان

***************

صحا من النوم لقاها تضوي كما القنديل

شعر كي الليل كساها على الكتاف مطلوق طويل

صار معلق بهواها نارو تشعل شعيل

سأل مولاه وقال سيدي ربي من هاذي

أجابو ذو الجلال هاذي هدية من عندي

حوا أم الجمال نكافي بيها عبدي

كولو من الرزق حلال إلا من الشجرة هاذي

***************

إلا من الشجرة هاذي لا تقرب يا إنسان

راك تتسمى متعدي ونضحى عنك غضبان

بالاك تخالف وعدي ويغرك الشيطان

جاه الشيطان يغرو على الشجرة اللي وصاه

مولاه ما يخالف أمرو خاف من عقابو وبلاه

بالحيلة حب يجرو حتى يعصي مولاه

صابو حادر من شرو ما صاب كي يدير معاه

*************

بقى حاير ويخمم في الحيلة اللي تغويه

راح لحوا يتذمم قاللها انتي تسبيه

ياكل من الشجرة يفهم ما كان من يسمع بيه

راحت ساماتو حوا وبقات ترطب فيه

آدم ما بقاتلو قوة بحنانها لعبت بيه

عصا وما صابش فتوى وغضب مولاه عليه

آدم مابقاتلو قوة بحنانها لعبت بيه

عصا وما صابش فتوى وغضب مولاه عليه

**************

غضب ربي ورماهم خرجو منها لثنين

حتى الشيطان معاهم للأرض نزلو في الحين

صارو عديان وعداهم حتى ليوم الدين

هكذا قدر مولاهم يوم خلقهم زوجين

بالشقا في الحياة بلاهم ولبدا مفتونين

هذا الأبيات هداهم الهاشمي عبد حزين

في لآخرة نكون معاهم هو والوالدين

بجاه من يشفع لهم محمد الأمين

****************

سبحان خالق لكوان خلق الإنسان مساوي

عطالو صحة لبدان وجعلو ضعيف وقاوي

فضلو على الملَك والجان بالعقل الناير ضاوي

سكنو فسيح الجنان جنة فراشها خضراوي

شكر آدم الرحمان لطاعة المولى ناوي

فريق général de corps d’armée

آش اداني

واش أداني ولاش مشيت
في البلاد البعيدة حطيت
يا درى نولي نشوف البيت (يا درى: يا هل ترى)
ونشوف بلادي كي ولات (كي ولات: كيف أصبحت)

خليت احبابي والصدقان
بيهم العشرة تزيان
حياة حلوة في لامان
مع خواني ماذا عديت (ماذا عديت: كم عشنا أوقات حلوة)

في البحر وشطوطو ذهبان
السهرة تحلى مع لخوان
الموسيقى بميزان
هكذا يتحققوا الحلات

ما حلى القعدة في سيدي فرج
مع ولاد الحلال اتفرج
السعيد وسيد أحمد
وعزيوز زين القعدات

زيد من ثمة لبوسماعيل
محمد وعمر بالدليل
في لجنان والغصان تميل
كول واشرب واعمل نشوات

السهرة في زمان الصيف
اللي نحبو ناشط وظريف
في كلامو مسرار خفيف (مسرار: جميل)
زادو تحفوه الموجات (زادو تحفوه: زادو في جماله)

هكذا نتهنى ونعيش
هكذا عيني ما تبكيش
ربي رزقوا ما يخطيش (أي لا ينقطع رزقه)
عاونونا يا أهل الدعوات

قولوا معايا يا لخوان
نشا الله البهجة تزيان (البهجة: يقصد الجزائر العاصمة فهو عاصمي)
اللي مغرب في كل مكان
يصبر ويساعف الأوقات

انشا الله هذا حد الباس (أي نهاية البأس والحزن)
مدام المتعال بي عساس
الهاشمي في كلامو قياس (الهاشمي: يقصد نفسه)
طايع شياخي والسادات

فريق général de corps d’armée

البارح

آه على الدهر خاني وقطع لاسباب
وأيام السرور كي المنام للي راها
الدهر يدور على الورى ماليه حراب
ما دام العبد تمتعت عينو بضياها
يزيان ضي الهلال بين نجوم سماها

البارح
وأنا بعزوبتي فارح
بالشوق والهوى سارح
كان في عمري عشرين

البارح
كانت لاموال تتلاوح (أي كثيرة)
صحة لابدان تترايح
يا زهرة السنين

البارح
كان في عمري عشرين
يا حسرة على عشرين

البارح
وأنا زاهي بشابابي
مع جملة أحبابي
الليل والدجى ومحالي
واحنايا سهرانين (احنايا: أي نحن)
بدعت في الريام عجبي (الريام: أي الكلمات)
لفظي رقيق عربي
واللي نحوزها ونكلمها (نحوزها: أي أفوز بها)
كانت تذبلي العين
البارح
كان في عمري عشرين

البارح
شط البحور وأمواجي
كان الغرام تهياجي
نصرف الشعور الشقرة (أظن من هذا الكلام كان يقصد المؤلف انتقاله من قصة حب إلى
ونلتهى بلخرين أخرى حال الشاب في فترة شبابه من وقوعه في الغرام أكثر من مرة)

وأنا مع الحباب ونتاجي (نتاجي: أي الذين هم في نفس سني)
الصغر والعقل الناجي
نخاطب القمر ونجومو
يفهم غير بالعين
البارح
كان في عمري عشرين

البارح
كان الزمان سلطاني
واليوم كي صار خلاني (كي صار خلاني: أي أن ما حدث هو تركه لي، فمعنى خلاني أي تركني)
حتى الشيب بدل لوني
رمى الظلام في العين
حسيت بالقبر ساماني (ساماني: أي اقترب مني، وفيه دليل على ابتداء تفكير الانسان فيما
في الزهو والصغر نساني عليه من أخطاء ارتكبها والحساب المنتظر ليختم المقولة بمسكين
وبقيت كانخمم ولكن هذا لم ينفي اعتزازه بتلك الفترة ونلاحظ ذلك بتفصيل أحداثها
على ذاك لخلاص.. مسكين وغناء مراحل تلك الفترة بحنين وشوق إليها واضحين)
البارح
كان في عمري عشرين (كانخمم: أي يفكر كثيرا وبصفة متواصلة، انخمم أي أفكر)

فريق général de corps d’armée

قولوا للناس/

قولوا للناس
قولوا للحاضرين
قولوا للغايبين
خذيت موقفي خلاص
قولوا للي هجرني ونساني
راني ما نقطعش لياس
قولوا يا ناس

قولوا للغايبين نرجى
نكتب ولا ندير حاجة
يطولوا ويقصروا يولوا
بعد الشدة تجي الفرجة
تجي معنا في هوا البهجة
في هواها وشمسها نظلوا
هواها والجو هادي
والورد على اعراف الاغراس
قولوا يا ناس

قولوا للحاضرين تعذر
قلبي ما بقالوش يصبر
طالت الاوقات في رجاها
الفكر عيا ما يدبر
باقي من الهجران محير
الروح معلقة معاها
ما راحت ما بقات عندي
نوجدها في الغيب توناس
قولوا يا ناس

يا ناس قولوا للناسي
صبرت حتى شاب راسي
ضيعت اوقات في حياتي
النار قدات في احساسي
الحديث فلان في قياسي
غنيت في هواها ابياتي
كثر اللوم عن غرامي
والقيل والقال والحساس
قولوا يا ناس

» الاسطورة الهاشمي قروابي
» من اجمل قصائد عنتره بن شداد اذا اريح هبت
» اخر قصائد نزار قباني