لعبة البراح

أمير

بسم الله الرحمن الرحيم
السلام عليكم و رحمة الله تعالى و بركاته
أعضاءنا الكرام

لعبتنا اليوم متعلقة بالدرجة الأولى بالأعراس فعى كل عضو أن يأتينا بقصيدة معروفة أو كلمات متناسقة و منظمة و ذات قافية تماما كالبراح ,أي أن يلعب كل عضو دور البراح و يثري جعبة الأعضاء بخواطر عامية يقتبسها من الأعراس و الحفلات الشاوية ز الهدف منها طبعا التفتح على التراث و كل ما يقال فيه
و أنا أزل من سيبدأ و أعطيكم مثالا على ذلك:

ارجععععععععع "هاذي 200 , كل ورقة مطبوعة من جيهيتن في خاطر ناس أولاد عزوز ,ريحة الجوز ,من كبيرها حتى المازوز"

أمير

الثلج اللي يصب مع العشية , و لرياح زايداتو
سطيف يا باهي الهمة, و باتنة في الزين فايتاتو
راس مالنا النيف, اخطيك من الوالي و بناتو

أميرة

لازم نشاور نانا

هي تعرف لحوايج هاذو

مستشار

ههههههههه ضحكتيني اميرة انا ثاني مانعرفش
وشكرا لك امير الاوراس على الموضوع

أمير

و رح نزيدلكم قانون في هاذ اللعبة باش تعجبكم

اللي يكتب قصيدة يبرحها على شخص في المنتدى أو شخص آخر يعرفه ولا يبرح على أي شي

أمير

روحي يا الدنيا ما بقا فيك ما يعجب ,بقاي على خير و لمي خيرك ليك
عشنا فيك ايام في زهو و طرب ,و خالطنا كثير من اللي لعبوا فيك
و عمنا في بحور ماها يتقلب,و خالطنا جميع من لا لوم عليك
ما بقا فيك صديق غير الأم و الأب,و الخو ساعة على ساعة يرميك
خالطنا المصلي و اللي يشرب,و الصح لقيناه عند اللي يبغيك
شفت بعيني السبع يركع للثعلب,و القرد حلف للنمر قاللو نفنيك
و مولاة الـ18 خطبها شايب,يا الغافل بالاك البابور سافر بيك
و الزوالي صبح سومو سوم الكلب,و الغني بدراهمو قاللو نشريك
يا الزوالي اليوم وين رايح تهرب؟,و الله عجوز يابسة لا تقبل بيك

هاذي مليون في خاطر ناس المنتدى الحاضر فيهم و الغايب الصغير فيهم و الشايب ,الصحيح فيهم و العايب,و يحياو الشاوية لحرار في كل شعبة و شعايب.

أميرة

الله الله عليك يا امير
وليت براح بين ليلة ونهار
ه

أمير

مدام ما وليتش من الرحابة كامل راني مليح ,على خاطر أنا زهواني و مبدئي "ازها و موت"

أميرة

أمير

أميرة

ههههههههه رانينتخيل فيك تغني Razz

أمير

تربيت حزين في وطن الغربة ,و نار الوحش على قلبي حرقاتو
تفكر أهلي و زدت ماليا ,و الوطن المحبوب شاهي نظراتو
حبيت نشوف حبيبتي الريم الضواية,و تفكرت سنين في صغري فاتو
الشوق و الليل و الريح مع الظلمة نوصل وطن الأوراس فيه نباتو
الحب الشريف ماهوش عبرة,قيس و ليلى ياك بالمحنة ماتو

هاذي مليون في خاطر خويا أمين و و اللي بلاده توحشاتو

أميرة

الله ابارك

فريق général de corps d’armée

او لابس هذاك البرنوس تاع الشاوية ولله يواتيك امير اني نتخيل فيك تجي زين ههههههههه

أمير

الله يخليك يا رب , خجلتيني

جندي Simple

هااااااااااااااااااااااااااادي 5000 في خاطري وفي خاطر لي يشتونا ولي ما يشتوناش

أمير

هاذي 20000 تحرق مليون نتاع امير الاوراس فسي خاطر اولاد عزوز وناس اليسي نتاع ثنية العابد وفي خاطر حبيبنا امير الاوراس

أميرة

انا نستنا امير الاوراس ابرح في دالتي

مستشار

الله يباركاستمتعت بقراءتها

ملازم sous lieutenant

احنا الشاويا لا تقولو ذلو جيناكم حواس ونولو وهذي زغريتا في خاطر الشاويا واعضاء المنتدى يويويويويويويويويويويويويويويوي

مستشار

التبريحة راهي بالفرنك القديم واللي ما عندوش مكان لاه ابرح:
التبريحة ب ربعه دورو في خاطر المحفل والزغرتات في خاطر الأمراء والأميرات
في خاطر الحاضرين والغايبين كل واحد باسمو سرح يا قصابي؟؟

يا المالكني :

أنــــــا الـــلـــي كـــنـــت نـــايـــم عـــلـــى وذانـــــــي
واضـنـيــت روحــــي شــبــت والــزمـــان نـســانــي
بـعـد ربعـيـن خـريــف هـــا هـــو خـضــار جـنـانـــــي
والـقـلـب مـــا عـــدت نتـحـكـم فـيــه لبـعـيـد أدانــــي
غــــرام كـحـلــة لـنــعــاس عــلـــى غفــلـــة جــانـــي
مـــا صـبــت عـلـيــه ويــــن ذا عـجـاجــه اعـمـانــي
راح الـنـعــاس وطـــــال الـلــيــل عـلــيــا مـقــوانـــي
نتـقـلـب فـــي فـراشــي مـفـتـون مــــا نــــي هــانــي
قـلـبــي الـرهـيــف قـدامـهــا افـضـحـنـي وعــرانــــــي
عطشـان شتـا وصيـف اشربـت البـحـر مــا روانــي
يـــــا الـفــاهــم أنـــــا مــــــولا جـــرحـــي بـــرانـــي
جـــاي مـــن بـعـيـد فـالاصــل مـــا هـــو وهــرانــي
يــــا الــلايــم لا تــزيــد فـــــي عــذابـــي بـركــانــــي
حـبــي عـفـيـف مــانــي فــاســق مــــا نــــي جــــان
انـــــــا تــاريــخـــي نــظــيـــف ربـــــــي نــجــانـــي
مــن قبيـلـة الشـهـامـة والـنـيـف انـــا أبـويــا ربـانــي
انــا االأمــي عـمـري مـــا قـريــت شـوقـهـا قـرانــي
بـلـقـيـس جــــات بـالـخـمـيـس ريـحــهــا روحــانـــي
قـالــت يــــا ســاكــن الــــذات واك انــــت تـهـوانــي
تكلـم يـا الـفـارس يــا مــروض الجـنـون بــا حنـانـي
اعـــذرنـــي واحــــــط روحــــــك فــــــي مــكــانــي
لـــو ارفـضــت الـخـطـاب واش يـقـولـوا عـديـانــي؟
مـعــمــدة جـيــتــك الــيـــوم الــقـلــب مـــــا هـنــانــي
نـخـافــك تـسـمــع مــــن بـعـيــد وتـبــطــل تـلـقـانــي
مـحــتــمــة وجـــــــا ريـــــــح الـــشــــرق أدانـــــــي
يــا مــذوب الـنـار والحـديـد مـقـدرة علـيـك تنسـانـي
أدي مـفـاتـيــح الـقــلــب مــعـــاك يـــــا الـسـامـعـنـي
بـــلا مـــا نـتـكـلـم أنــــت مــــن زمــــان فـاهـمـانـي
أيــــوب وصـابـريــن شـاهــديــن عــلـــى حــزانـــي
بــــــلا بـــيـــك الــدنــيــا مــــــا هــــــي لازمـــانـــي
تـبـقـي أنـــت وحـــدك فـــي الـقـلـب يـــا المـالـكـنـي
ســيــرتـــك تــبــقـــى ديـــمــــا عـــلــــى لــســـانـــي
ســــــــاط الــــريـــــح وتـــكـــســـروا غـــصـــانـــي
هــــــذي قــســمــة الله وهــــــذا مـــــــا اعــطــانـــي
جـيــتــكــم ضـــيــــف يـــــــا شـــيــــوخ زمـــانــــي
اللـي مـا اداه الريـح اليـوم يديـه غــدوة كيـمـا ادانــي
فـــتـــكــــم فـــالــــديــــث خــلـــيـــتـــه بــلـــعـــانـــي
انــا عـمـري مـــا بـكـيـت ذا غـــرام مـريــم بـكـانـي
نـخــتــم بـالــصــلاة هـــــذا الـحــديــث الــوجــداني
لي ما يهزه فراق لحباب و ما يضحي يتسمى أناني.

أميرة

الله الله عليك يا فاؤس الزيبان

أمير

الله الله
قاللك:

كل حبيب على حبيبه ينشد,و كل مريض على دواه يسال
اللي عطاه ربي الرجال يا أمير أسمر ياكل و يشرب ,و اللي ماعندوش الرجال يبات حافي و الله ما يذوق الفال

آه يا خويا أمين الزيت يعصروه من الزيتونة و الفاهم يفهم لغة الطير
و اللي ما يجيبش كلمتو موزونة يخليها في قلبو خير

هاذي هدية في خاطر الرجالة في أولاد عزوز و حبابنا في حاسي مسعود ,و في خاطر ناس الأوراس ,و حييلي زهرة الأوراس و كامل الزغراتات و حييولي لمسة و سوسو و كل لحراير , و حييولي الجبايليات و أميرة الأوراس ساك ساك ساك

قول يا فارس الزيبان قول

مستشار

الله اللهروعةشكرا لك

أمير

ارجعععععععععععععع
ما ننساوش التبريحة نتاع النظام ,قاللك :

ولد السبع سبع حتى يموت و هو يخلع ,و العدو عدو ما يرجعش حبيب
الضبع ضبع حتى يموت و هو يخمع,و الثعلب محال ولا يرجع ذيب
و حذاري من الطلاب إذا كان شبع,يتفلسف و يولي أكبر أديب
خوذ ما عطاك الله مكتوبك و اقنع,و كل ما عطاك الله في الدنيا نصيب

هاذي هدية للنظام و هدية للمفسدين, هدية للي حابين يرجعوا ملوك و هوما قوادين, هدية للي قتلوا الجزايريين و قالوا حنا مجاهدين, طلقوا الإرهاب و المجرمين و قالوا جيناكم مصلحين,

في خاطر لحرار و اللي فيهم النيف ما يخوفهم لا يخوفهم بوليسي ولا للي في المخابرات مجندين
راهم كامل خوافين و تعلموا يكونوا شياتين

احنا ولاد بن بولعيد و أصلنا جزايريين
احنا شاوية ما نخافوا و ما نحملوا الذل و تهدر علينا السنين

قولوا يا لحرار قولوا

نقيب capitane

merci bcp

أميرة

يويويويويويويويويويويويوي هيا اسيدي
رانا نتعلموا ماتصحوش علينا

فريق général de corps d’armée

والله امير ادهشتني حقا
بصح تاع النظام هي احسن وحدة
يعطيك الصحة

أميرة

انا في رايي اللي قبلها خير

فريق général de corps d’armée

لا تاع النظام خير خاصة كلمة القوادين هاذي عجبتني بزااااااااااااف

ملازم sous lieutenant

ياو هذي في خاطر جدودنا لي ضحاو على هذي لبلاد
يا دادا يا مخلولينو جينا يا فرسان وجينا
نتش ورعاذ ذا مزيان يادا سمثكي مميك
انشاء الله يكونو شباب اليوم مثل فرسان زمان ولا واش قلتوا

أمير

ارجع ارجع هاذي40الف حييلي كامل الاعضاء وزيادة ب100الف في خاطر الأميرة ريان
وحييلي ناس اولاد عزوز ....كل واحد باسمو
والكلمات هاذو في خاطر لحباب كامل واللي يتقن فن التبراح وحييلي مرة اخرى الأميرة ريان والقعدة الزينة .................

بديت بسم الله عز الفال وفنيت بالصلاة على الرسول
مايدوم حتى حال بالمحال بالاك ترمي خوك يا مهبول ياخويا امير الاوراس كان من اخلف الزمان اعمال كاين اللي عطالو ربي طفلة حلايلية وكان اللي غبر طول

وهاااااي دمي وانتي دمي يا صغيرة بنت جيراني
وقالتلي ارواااح ارواااح وانا ليك وانت لي
وهااي ياحياتي تحيا اولاد عزوز بالذات

أميرة

الله اكبر

كملوا راكوم هايلين

فريق général de corps d’armée

والله تستاهلو اكبر تحية على هذي اللعبة

أمير

ارجععععععععععععع ارجع
هاذي مليون في خاطركم

قاللك:

شفت الذهب عزيز عند العيارين
و يعرفولو صحاب الكرم و الجود
و شفت النحاس رخيس عند السوامين

سميناك وردة و عادوا وردتين
و مثلناك بالرونق اللي ذرك راه مفقود
و احنا يا أمين رحنا خطابين
نجيبوها بالرجال ولا بالبارود
ياك حنا في الحرب ما حناش ساهلين
إذا فزعنا نرهبوا الأسود
و يا ويل مين قصدنا بالتشيطين
يعشي متكسل في قبره ممدود
و هاذ الشي من قبال ما حناش زواخين
اللي يخلعنا مزال ما خلق للوجود
و خلعنا من كانوا في الحرب فراعين
في فلسطين يحبرو منا اليهود
و يقولوا هاذوك الجزايريين
و الشجاعة هاذي عن أصل و جدود

هاذي مليون هدية في خاطر القوات الخاصة و ناس بسكرة ,في خاطر كل الجزايريات و الجزايريين ,نحييوا الجيش الوطني الشعي و نحيوا القيادة العليا

نقيب capitane

مشكووووووووووووور امير اسمر Embarassed

أمير

ارجع ارجع
هاذو 10ملايين في خاطر لبنات كامل و10وحد اخرين للباقي هههههه
ومليون وحدو لامير الاوراس وفارس الزيبان في خاطر القعدة الزينة وفي خاطر اولاد عزوز العرش الغالي
وحييلي ناس تافساست

و50 مليوووووووووووون في خاطر الأميرة ريان وحدها ساك ساك
وسمعنا صوتك يا أمير الأوراس وفارس الزيبان
ورااااااااااكم

نقيب capitane

احم احم....... Embarassed

أميرة

الله على هاذ التبرايح

فريق général de corps d’armée

والله راكم جايبينها bien

أمير

كنت مريض براسي و غياب الحباب زاد عليا وسواسي
حزنت و قلت راني وحدي و تخلى علي أهلي و ناسي
و على المنتدى عييت نطل لأنو ضاقت أنفاسي
و كل ما نلقاه فاضي يبدا يفشل إحساسي
و الله توحشت الأمير أسمر و أمين اداه علينا الحاسي
توحشت سوسو و الأميرة ريان و توحشت أميرة الأوراسي
ربي يحفض للأوراس عذراء و يخليلنا زهرة الأوراسي
و كثر خير السيد فارس الزيبان , اللي نفديه براسي

هاذي مليون هدية في خاطر أوراق الخريف و رجعتها و في خاطر لمسة اللي رجعولي أهلي و ناسي
قول يا أمير أسمر قول....

فريق général de corps d’armée

bravo
والله راك جايبها bien
امير
يعطيك الصحة

أمير

ارجعع ارجع يا خويا امير الاوراس
هاذي 40مليون الاولى في خاطر لحباب ولصحاب وسلامة الراس يا أمير الأوراس وانت نحييك ب60مليون ساك ساك .
وفي خاطر الاميرة ريان نحيييها ب100مليون ورقة ورقة .
و30 مليون في خاطر زهرة الاوراس وناس اريس من الدخلة للخرجة .
و نحيي كل من سوسو سارة اميرة الاوراس لمسة اوراق الخريف ب25 ملبيون برك
وفارس الزيبان الله غالب.
مبصح نسيت حاجة اولاد عزوز الزينة ونحييييها ب100 مليار .زكاااااااااااااااااااارة في الدوووووولة وبوتفليييييقة .ههههههههههههههههه
قووووول يا فارس الزيبان قووووول ......
وبين روحك يا أمير الاورااااااااس .................

مستشار

هههههههههههه
والله هايلة يعطيك الصحة الامير اسمر
وشكرا لانك اتفكرتني
ومانسيتنيش

نقيب capitane

هههههه مرسي اخ نونو

أمير

موحااااال ننساااااكم وخاصة انتوما وشكرا على الردود

مستشار

حقيقة كلام جد رائع
استمتعت كثيرا
شكرا جزيلا

عريف caporal

وانا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!! Embarassed

أمير

وزييييييييييييييييييييد حيييلي تحيااااتي لمن دمرت حياااااتي ب 25.5مليون اورو لانها فعلا دمرت حياتي ههههههههههههه

مقدم lieutenant colonel

الربيع جانا بالافراح وارانا نتستناو منكم التبراح يا الناس لملاح كينكون بناتكم نكون مرتاح

» لعبة صح او خطأ
» لعبة اطلع بره
» لعبة ........احبك