| كاتب الموضوع | رسالة |
|---|
أوراق الخريف
فريق général de corps d’armée
 | موضوع: رد: لعبة البراح  الثلاثاء يونيو 21, 2011 10:14 am | |
| | |
|
  | |
sousou dk
فريق général de corps d’armée
| | موضوع: رد: لعبة البراح الأربعاء يونيو 22, 2011 12:31 pm | |
| والله ماحقهمش
لاوراق وش رايك انديرو مظاهرة | |
|
| | |
أوراق الخريف
فريق général de corps d’armée
| | موضوع: رد: لعبة البراح الأربعاء يونيو 22, 2011 12:32 pm | |
| راني قابله وادا حبيتي نديرو حتى اعتصام | |
|
| | |
sousou dk
فريق général de corps d’armée
| | موضوع: رد: لعبة البراح الأربعاء يونيو 22, 2011 12:39 pm | |
| | |
|
| | |
فارس الزيبان
مستشار
| | موضوع: رد: لعبة البراح الأربعاء يونيو 22, 2011 1:02 pm | |
| تبريحة في خاطر أوراق و سوسو؟ ايا أوهادي ..في خاطر اللي يبغونا ساك ..وما زالني نهواك .. في خاطركم كامل..... وقلبي عليكم هامل.. هادي تبريحة ساير داير قلبي عليكم راهو حاير في خاطر الخواطر والفرح يتقاطر والايام اللي راهي تتشاطر في خاطر http://www.ct-7ob.com/vb/imgcache/150424.pngكثير عيون مرت بي ولاغيرك ملى هالعين ولا اذكر احد قبلك قدرلي وهز وجداني حبيبي شوف وش سوى صراحه قلبي المسكين وانا مشكلتي ان اللي على قلبي على لساني انا من غاب اعيوني ودمعي جرح الخدين اتوه بخطوتي ضايع ولا ادري وين عنواني حبيبي شف هالدنيا حلاها لاجتمع قلبين تعال بشوق هالدنيا وخلصني من احزاني انا والله لو ربي كتب لي عمري بيومين لحبك يومي الاول واحبك يومي الثاني حبيبي لو يضيع العمر ابصبر في هواك سنين مصيرك يوم بتشوفه غلاك ان الله احياني | |
|
| | |
sousou dk
فريق général de corps d’armée
| | موضوع: رد: لعبة البراح الخميس يونيو 23, 2011 7:09 am | |
| يعطيك الصحة عمو
شكرا جزيلا | |
|
| | |
أوراق الخريف
فريق général de corps d’armée
| | موضوع: رد: لعبة البراح الجمعة يونيو 24, 2011 5:27 am | |
| | |
|
| | |
sousou dk
فريق général de corps d’armée
| | موضوع: رد: لعبة البراح الجمعة يونيو 24, 2011 6:07 am | |
| شتي عمو يشتينا ماخلاناش انديرو احتجاج بالعكس برح على جالتنا | |
|
| | |
أوراق الخريف
فريق général de corps d’armée
| | موضوع: رد: لعبة البراح الجمعة يونيو 24, 2011 7:25 am | |
| | |
|
| | |
sousou dk
فريق général de corps d’armée
| | موضوع: رد: لعبة البراح الأربعاء فبراير 15, 2012 10:11 am | |
| والله انا توحشت هاذ اللعبة بزاف ونتمنى يدخل امير الاوراس ولا اي عضو أخر يعرف يبرح ويفرحني بتبريحة وحدة كاعاد والله ماتصدقو وش نحب هاذ اللعبة الله يخليكم الي يعرف يبرح يدخل على وجه ربي  ربي يخليكم على خاطري برك | |
|
| | |
الحرة أميرة الأوراس
أميرة
| | موضوع: رد: لعبة البراح الخميس فبراير 16, 2012 9:02 am | |
| | |
|
| | |
sousou dk
فريق général de corps d’armée
| | موضوع: رد: لعبة البراح الخميس فبراير 16, 2012 9:07 am | |
| والله نتمنى يدخل فيهم اي واحد وينحيلي على قلبي شوي | |
|
| | |
الحرة أميرة الأوراس
أميرة
| | موضوع: رد: لعبة البراح الخميس فبراير 16, 2012 9:13 am | |
| | |
|
| | |
sousou dk
فريق général de corps d’armée
| | موضوع: رد: لعبة البراح الخميس فبراير 16, 2012 9:15 am | |
| | |
|
| | |
الحرة أميرة الأوراس
أميرة
| | موضوع: رد: لعبة البراح الخميس فبراير 16, 2012 9:16 am | |
| ربي يشافيك حنونة
صغيرة وهمومك كبار ؟؟؟؟؟؟؟؟؟ظ | |
|
| | |
sousou dk
فريق général de corps d’armée
| | موضوع: رد: لعبة البراح الخميس فبراير 16, 2012 9:18 am | |
| وش تحبي هاذي هي الدنيا نهار معاك وعشرة ضدك | |
|
| | |
الحرة أميرة الأوراس
أميرة
| | موضوع: رد: لعبة البراح الخميس فبراير 16, 2012 9:21 am | |
| احمدي ربي ياختي سهى احمدي ربي | |
|
| | |
sousou dk
فريق général de corps d’armée
| | موضوع: رد: لعبة البراح الخميس فبراير 16, 2012 9:23 am | |
| | |
|
| | |
أوراق الخريف
فريق général de corps d’armée
| | موضوع: رد: لعبة البراح الجمعة فبراير 17, 2012 7:24 am | |
| هااااااااااااااااااااااااااااااااااااااااااااااااااني جيت بصح مانعرفش نبرح الله غالب  | |
|
| | |
أمير الأوراس
أمير
| | موضوع: رد: لعبة البراح الإثنين فبراير 27, 2012 10:34 am | |
| يا اللي غايب طل علينا و فرح حبابك
الشمس غابت و الدنيا ليل في غيابـك
أرواح خبرنا و طمننا على حوالك
و إذا راك مهموم ارواح تشوف بلادك
تشم هواها و بعلامها غطي جنابك
ياك بلادي هي بـــــــــــــــــــلادك
و ياك النجمة و الهلال ينسوك حزانك
انسى الهموم و اضحك واسعد بحياتك
بالبسمة تقتل الهموم و يتحلوا جميع بيبانك
هاذي مليون و ميتين في خاطر جميع المهمومين ، و اللي على بلادهم غايبين و اللي في بلاد الغربة تايهين و اللي من حبابهم محرومين و اللي في الحب مجروحين، و حييلي المظلومين اللي في بلادهم محقورين و قوللهم الاحرار راهم جايين ، ينصروا البلاد و يحموا الملة و الدين من الكفار و المفسدين بإذن الله رب العالمين.
| |
|
| | |
لمسة
مستشار
| | موضوع: رد: لعبة البراح الأربعاء فبراير 29, 2012 3:20 am | |
| الله الله عليك يا امير تبريحة وعليها لكلام
يعطيك الصحة
امممممممم خسارة منعرفش كيفاش نبرح لوكان راني رديت عليك
في انتظار القادم ان شاء الله | |
|
| | |
فارس الزيبان
مستشار
| | موضوع: رد: لعبة البراح الأربعاء فبراير 29, 2012 11:37 am | |
| يا حصراه على قبيل كنا في تاويل * كي نوار العطيل شاو النقصــــــيا
ما شفنا من أدلال كي ظل الخيال * راحت جدي الغزال بالجهد عليــــا
وإذا تمشي أقبــــال تسلب العــقال * أختي بــاى المحال راشق كمـــــيا
طلقت ممشوط طاح بروايح كى فاح * حاجب فوق اللماح نونين بريـــــا
عينك قرد الرصاص حربى فى قرطاس * ســورى قيـاس فى يدين حربيا
خدك ورد الصباح و قرنفل وضاح * الدم عليه ساح مثل الضوايــــــــــا
شوف الرقبة خيار من طلعة جمار * جعبة بلار و العواقد ذهبيــــــــــــا | |
|
| | |
لمسة
مستشار
| | موضوع: رد: لعبة البراح الخميس مارس 01, 2012 4:34 am | |
| ماشاء الله كلام جد رائع
احس فيه بعضا من الغزل
رائع جدا
شكرا لك
في انتظار القادم | |
|
| | |
فارس الزيبان
مستشار
| | موضوع: رد: لعبة البراح الخميس مارس 01, 2012 1:06 pm | |
| يا زين الطير يا لحمام طير واتعلى أوصل لي ذا الهدية
طير واتعلى او روح ليها
سلم عليها إذا ما زالها حية
قول لها الفين تحية وألف سلام
واذا راه قلبك كي قلبي حني أشوية | |
|
| | |
أمير الأوراس
أمير
| | موضوع: رد: لعبة البراح الجمعة مارس 02, 2012 11:12 am | |
| يا لحمام الطاير
وصل هاذ البرية
قول لغزالي راني حاير
خبرني و حن علي شوية
راني نبات الليل ساهر
ما نعرف واش بيا
عقلي في طريق الشوق ساير
ما خلى لا جبل لا ثنية
نتمنى لا تخمم و لا تشاور
و كيما قاللك بالك أرواح قولو ليا
هاذي مليون في خاطر الشكاكين و الشكاكات ، و اللي يسمعوا للخلاطين و الخلاطات ، و اللي يسمعوا للفتانين و الفتانات قوللهم إنما الأعمال بالنيات ،و كيما قاللك قلبك دير و كيما جات جات ،
قولوا يا الغيورات.... | |
|
| | |
الحرة أميرة الأوراس
أميرة
| | موضوع: رد: لعبة البراح الجمعة مارس 02, 2012 1:31 pm | |
| الله الله
والله تبريحة تهبل | |
|
| | |
sousou dk
فريق général de corps d’armée
| | موضوع: رد: لعبة البراح السبت مارس 03, 2012 10:56 am | |
| شكرا جزيلا
والله ماتصدقوش وش فرحت كي وليتو تبرحوا
ونفذتولي طلبي
الف شكر ليك يا امير ويا عمو
والله تبريحاتكم ماكانش احلى منها | |
|
| | |
لمسة
مستشار
| | موضوع: رد: لعبة البراح الأحد مارس 04, 2012 2:11 am | |
| الله الله عالكلام الحلو
يعطيكم الصحة
| |
|
| | |
فارس الزيبان
مستشار
| | موضوع: رد: لعبة البراح الأحد مارس 04, 2012 3:29 am | |
| أسمع يا السامع ما اتقول ما اتمانع هاذي الكلمات راهي منظمات في خاطر الحاضرات والغايبات في خاطر سوسو وأوراق وفي خاطر لمسة والأخريات بلاك لا تنسى حرة لحراير اعليها المحفل راهو داير وأمير الأوراس اعليها حاير ينظم فالأشعار وعليها حط الشعار هي أنشاء الله مولات الدار.
ههههههههه إن شاء الله تعجبكم؟ | |
|
| | |
أمير الأوراس
أمير
| | موضوع: رد: لعبة البراح الأحد مارس 04, 2012 4:02 am | |
| يا البراح يا مول القصيدة
داويلي لجراح و قول كلمة جديدة سهرني حتى للصباح وغنيلي على الكبيدة
منها عقلي راح و سافر لبلاد بعيدة على جالها نهز سلاح و ندخل في حرب شديدة بنت بلادي يا ناس ملاح ربي يقدرني و نعيشك حياة رغيدة
هاذي قصيدة في خاطر بنات بلادي ، و فارس الزيبان الطير الشادي، فيه ريحة أولاد عزوز و ريحة اجدادي، و حب بلاده في قلبو ينادي...
قولو يا لحرار قولو... | |
|
| | |
لمسة
مستشار
| | موضوع: رد: لعبة البراح الأحد مارس 04, 2012 4:53 am | |
| يويويويويويويويووووووووووووووووووووووووووووووووووووووووووووووووووووووووووووووووووي
وهاذي زغرودة في خاطر اولاد بلادي | |
|
| | |
فارس الزيبان
مستشار
| | موضوع: رد: لعبة البراح الإثنين مارس 05, 2012 2:43 am | |
|
يافارس عندي وصية ليك اليوم
كانك قاصد للصحاري لا تنساش
يا فارس الزيبان عجل ما تبطاش
من فرقتهم راه قلبي ما يهناش
يافارس ثمة تصيب رجال القوم
و نخل و خيام الشعر تحفة وفراش
قدامك لمسة تقرا في العلوم
سول عنها الى انت ما تعرفهاش
طفلات محنيين للسعشة والصوم
و يصبوا في التاي لجماعة لعراش
بالحنة والرديف والساق الموشوم
عندك عقلك لا يغيب ولا تبطاش
| |
|
| | |
لمسة
مستشار
| | موضوع: رد: لعبة البراح الإثنين مارس 05, 2012 2:53 am | |
| | |
|
| | |
الحرة أميرة الأوراس
أميرة
| | موضوع: رد: لعبة البراح الإثنين مارس 05, 2012 3:01 am | |
| الله الله عليك يا الفارس
ربي ابارك | |
|
| | |
فارس الزيبان
مستشار
| | موضوع: رد: لعبة البراح الإثنين مارس 05, 2012 3:20 am | |
| يا قاري سورة النساء *** سلم لخصايل النساء
الراجل سر والنساء *** كنز بلا مــفتـــــــاح
اذا حبوك النــــساء *** تجلبهم بالمســـايسة
واذا كرهــــــوك *** ما يفيدك في الحرب سلاح
شكرا لكن على الردود الجمبلة | |
|
| | |
الحرة أميرة الأوراس
أميرة
| | موضوع: رد: لعبة البراح الإثنين مارس 05, 2012 3:47 am | |
| الله الله
الله ابارك يا عم فارس
راك زهواني كبير
كمل وماتحرممناش من كلامك الحلو | |
|
| | |
sousou dk
فريق général de corps d’armée
| | موضوع: رد: لعبة البراح الثلاثاء مارس 06, 2012 5:51 am | |
| الله عليكم والله تساتاهلو كل خير
شكرا جزيلا لك | |
|
| | |
الحرة أميرة الأوراس
أميرة
| | موضوع: رد: لعبة البراح الثلاثاء أبريل 03, 2012 9:31 am | |
| - فارس الزيبان كتب:
- أسمع يا السامع ما اتقول ما اتمانع هاذي الكلمات راهي منظمات في خاطر الحاضرات والغايبات في خاطر سوسو وأوراق وفي خاطر لمسة والأخريات بلاك لا تنسى حرة لحراير اعليها المحفل راهو داير وأمير الأوراس اعليها حاير ينظم فالأشعار وعليها حط الشعار هي أنشاء الله مولات الدار.
ههههههههه إن شاء الله تعجبكم؟ الله الله عليك يا الفارس هطي احلى تبريحة شفتها هههههههههههه | |
|
| | |
أمير الأوراس
أمير
| | موضوع: رد: لعبة البراح الأحد أبريل 15, 2012 3:00 pm | |
| هيا هاذي....
قاللك المكتوب ما منو مهروب
مول الباي ديما محبوب
الزوالي ديما مغلوب
حقو ديما مسلوب
و الجزاير غارقة في الكذوب
قولي يا بلادي قولي.... | |
|
| | |
لمسة
مستشار
| | موضوع: رد: لعبة البراح الإثنين أبريل 16, 2012 3:22 am | |
| الله الله عليك يامير
خسارة منعرف نقول
لوكان راني رديت عليك
| |
|
| | |
الحرة أميرة الأوراس
أميرة
| | موضوع: رد: لعبة البراح الإثنين أبريل 16, 2012 11:37 am | |
| اجي وقت وين يتعير كل شي ان شاء الله والى الاحسن طبعا | |
|
| | |
أمير الأوراس
أمير
| | موضوع: رد: لعبة البراح الإثنين أبريل 16, 2012 1:06 pm | |
| يا لمسة ما تبرحيش كلامك يكفينا
حنا علينا التبريحة و انت الكلمة الزينة
أنت عزيزة و غالية علينا
و بوجودك معانا شرفتينا
نتمنى تبقاي ديما منورتينا
و إن شاء الله نحطوك في عينينا
أنت طيوبة و حنينة
و زرغودة منك تزهينا
نتمنى في هذا الطلب ما تبخلينا
زرغتي و من فضلك ما تحشمينا
يسمعها الغايب و يرجع لينا
و إن شاء الله ربي يسعدنا و يهنينا قولي يا لمسة قولي.... | |
|
| | |
لمسة
مستشار
| | موضوع: رد: لعبة البراح الثلاثاء أبريل 17, 2012 4:28 am | |
| احم احم
حشمتني يا امير
يويويويويويووووووووووووووووووووووووووووووووووي
هههههه ربي يخليك ويخفظك | |
|
| | |
فارس الزيبان
مستشار
| |
| | |
لمسة
مستشار
| | موضوع: رد: لعبة البراح الثلاثاء أبريل 17, 2012 12:44 pm | |
| يويويويويويويويويويوييييييييييييييييي
يويويويويويويويووووووووووووووووووووووووي
| |
|
| | |
فارس الزيبان
مستشار
| |
| | |
الحرة أميرة الأوراس
أميرة
| | موضوع: رد: لعبة البراح الأربعاء أبريل 18, 2012 11:16 am | |
| الله ابارك عليكم
مي انا جامي برح عليا واحد
حقرتوني | |
|
| | |
الحرة أميرة الأوراس
أميرة
| | موضوع: رد: لعبة البراح الأحد أبريل 22, 2012 10:41 am | |
| امير ها افهمها اسيد حتة نقولولك برح علينا واللا واش ؟؟؟؟؟؟ | |
|
| | |
فارس الزيبان
مستشار
| | موضوع: رد: لعبة البراح الأحد أبريل 22, 2012 1:53 pm | |
| هاذي لقصيدة مهدية للحرة أميرة الأوراس
ياقمري بالله يازين النظــــــرا **** ياكامل لوصاف جيتك بالحنيــــــن
يا مرقوم الريش يا خفيف الطيرا **** ياك انت رسولـ لكل المحبيــــــن
توصل لي احباب شمال الصحرا **** هــم اولاد العالية كرمة زينيـــــــــن
اهل العهدة الوافية اهل النعرا **** اهل الجود انزيلهم ديمة في العيــن
توحشناهم يا القمري ذا الـمرا **** سافر ليهم بالعزم في هذا الحيـــن
قدام الاذان عول في الســيرا **** هذا البر ايتعب اللي مشاييــــــــــن
لاتامـــــن بعض الطيور المكرا **** واستحذر من كيد بعض الصياديــن
كيتوصل بلادهم اعمـــل دورا **** حلق فوق اجبال واسطح وبساتين
سلــــــم عنهم كافه حر وحرا **** و لا تنسى لموات كيف اللي حييـن
قوللهم مرسول من البيت الحمرا **** من شاعر مجهول بين القيطانـــين
عاشــــركم ازمان فالسابق مرا **** ماهو ناسي حبكم مدة عاميــــــن
الحب الصافي ما تشوبش الكبرا **** امحبة ربي ما ااتنسي فيهااسنين
اوليدات اسعيد ما فيهم عــــرا **** الشرفة الاحرار ذريت الحسيـــــــن
عجبتني قصراتهم قعدت ذكرا **** يا محلى جلسات خاوه مجموليـــن
فيهم ناس املاح فرسان الهدرا **** ما ايتمل احديثهم كالعسل ابنيــن
ياربي ياخالقي عالي القدرا **** احفظهم يا خالقي انت الحنيـــــن
ديراعليهم سور ما ايشوفوعرا **** اوالف بين قلوبهم تعمر بالديــــن
بجاه الرسول واصحابواعشرا **** والصحابه كافة و التابعيــــــــن
اشف المرض لا اتحوجهم البرا **** يا سامع لكلامنا ادع اميــــــــــن
ذا شاعركم قال عنكم ذا المرا **** نظم ذى لبيات على محبيـــــــــن
| |
|
| | |
الحرة أميرة الأوراس
أميرة
| | موضوع: رد: لعبة البراح الثلاثاء أبريل 24, 2012 9:31 am | |
| الله عليك ياعمو
رب اخليك لينا يا عم
درت على خاطري وتعبت روحك
مرسي | |
|
| | |
فارس الزيبان
مستشار
| | موضوع: رد: لعبة البراح الثلاثاء أبريل 24, 2012 1:17 pm | |
| | |
|
| | |
رونق الصباح
جندي Simple
| | موضوع: رد: لعبة البراح الأربعاء أبريل 25, 2012 10:51 am | |
| الله ابارك الدعوة راهي قايمة | |
|
| | |
أمير الأوراس
أمير
| | موضوع: رد: لعبة البراح الأربعاء أبريل 25, 2012 11:45 am | |
| شكرا أخت رونق الصباح و إن شاء الله ربي يبارك في سلامتك
يا لخوان اطلبولي البراح
يقول زوج كلمات على رونق الصباح
بنت الأصل و الناس ملاح
و إن شاء الله بيها تكثر في منتدانا الأفراح
طبيبة تداوي الجراح
دعولها ينور عليها ربي بالنجاح | |
|
| | |
الحرة أميرة الأوراس
أميرة
| | موضوع: رد: لعبة البراح الخميس أبريل 26, 2012 5:32 am | |
| | |
|
| | |
NINA ANGEL ROXY
مقدم lieutenant colonel
| | موضوع: رد: لعبة البراح الخميس أبريل 26, 2012 8:37 am | |
| ايا وهاذي
4 ملايير في خاطر جميع الاعصاء باستثناء
nina angel roxy
hhhhhhhhhhhhhhhh
| |
|
| | |
sousou dk
فريق général de corps d’armée
| | موضوع: رد: لعبة البراح الخميس أبريل 26, 2012 9:41 am | |
| | |
|
| | |
أمير الأوراس
أمير
| | موضوع: رد: لعبة البراح الجمعة أبريل 27, 2012 4:09 am | |
| | |
|
| | |
sousou dk
فريق général de corps d’armée
| | موضوع: رد: لعبة البراح الجمعة أبريل 27, 2012 4:58 am | |
| هههههههههههههههههه وش حكايتك اليوم مع غزال؟؟؟؟ | |
|
| | |
الحرة أميرة الأوراس
أميرة
| | موضوع: رد: لعبة البراح الجمعة أبريل 27, 2012 5:03 am | |
| غزال والله مسكين
وكتاش افرج عليه ربي \؟؟؟؟؟ | |
|
| | |
| | لعبة البراح | |
|
